طريقة عمل الملوخية بالجمبري

مشاهدة
أخر تحديث : الأربعاء 19 أغسطس 2015 - 9:29 مساءً
طريقة عمل الملوخية بالجمبري

يسر موقع ارابيا نيوز ان يقدم لكم من قسم المطبخ طريقة عمل الملوخية بالجمبري

المقادير

  • 3 x عدد فص ثوم
  • 2 x عدد ليمونة
  • 2 x معلقة كبيرة زيت ذرة
  • 1 x عدد طماطم
  • 1 x معلقة صغيرة ملح
  • 1 x عدد فلفل أخضر حلو
  • 1 x عدد بصلة
  • 1 x كيس ملوخية
  • 1 x معلقة صغيرة كزبرة جافة مطحونة
  • 1 x معلقة كبيرة صلصة طماطم
  • ½ x كيلو جمبرى

الخطوات

  1. هنسيب الملوخية تفك تماما قبل الطبخ.
  2. هنقطع البصل والطماطم والليمون والفلفل الرومى لشرائح.
  3. هنغسل الجمبرى كويس بالماء وهنصفيه.
  4. فى حلة هنضيف الجمبرى والبصل والطماطم والفلفل والليمون وهنسخنهم على نار عالية لمدة دقيقة وبعدين نوطى النار ونغطى الحلة ونسيبها 10 دقائق.
  5. هنصفى المرقة من الخليط السابق ونسيبها على جنب. وهنقشر الجمبرى ونسيبه على جنب.
  6. هنفرم الثوم ونخلطه مع الكزبرة والملح.
  7. فى حلة هنضيف الزيت ونسخنه وبعدين نضيف خليط الثوم ونقلب جيدا لحد ما يتحول الثوم للون الذهبى.
  8. هنضيف صلصة الطماطم والملوخية ونقلب جيدا.
  9. نضيف مرقة الجمبرى برفق مع التقليب المستمر لحد ما تخلص الكمية.
  10. نزود ماء دافئ على الملوخية لضبط الكثافة ونغطى الحلة ونسيبها على نار هادية لمدة 10 دقائق.
  11. نضيف الجمبرى المقشر على الملوخية ونقلبها ونرفعها من على النار.

    نأمل ان تنال رضاكم

كلمات دليلية
رابط مختصر